يعني إيه جماعة الرفقاء؟

تتذكر كريستي قائلة: "في البداية، حبيت أكون جزء من شلة معينة " وتكمل " في البداية حسيت بينهم بالأمان والقبول.لكن بعد فترة بدأوا يعاملوني كأني تابعة ليهم وكأنهم متحكمين فيا ولو معملتش زيهم واتبعت قواعدهم في لبسهم وكلامهم وكل تصرفاتهم يبقوا مش عايزني وسطهم.

أما ليزا فتقول : "عارفة ان المجموعات دي غبية ،لكنني بتمني أكون جزء من واحدة منهم".وتكمل: "عارفة انهم متكبرين وانهم لازم تكون ليهم نفس الصفات ،وعارفة كمان انه حاجة غريبة انهم لازم يظهروا كلهم مع بعض في نفس الوقت ..عارفة ده كله ومش قادرة أفهم أنا ليه عايزة أكون واحدة منهم !!

ما هي جماعة الرفقاء؟

من وقت اختراع المدرسة الثانوية قام المراهقون بتشكيل جماعات للرفقاء قاموا بتصنيفها عقلياً وظهرت المجموعات دي بكثرة لأن الأولاد بيقضوا وقت قليل مع والديهم وكان عندهم فراغ كبير ...الاختلاف بين جماعات الرفقاء وشلة الأصدقاء بيظهر في الطريقة التي ينغلق بها جمعات الرفقاء علي أنفسهم،لأنهم شايفين نفسهم الأفضل عشان كده بيمارسوا لعبة رفض أو قبول شخص جديد بينهم . أما شلة الأصدقاء، مختلفة لأنهم يحبون الناس خارج مجموعتهم كمان كل فرد في الشلة ليه شخصيته المستقلة وممكن يتجمعوا ويخرجوا مع بعض أو يستمتع كل فرد لوحده .

إيه أنواع جماعات الرفقاء علي الساحة؟

في الأوقات الحالية بدأت تنتشر مجموعات أكثر من أي وقت تاني وتلاقي أسماء كتير زي " رئيسة المشجعات الجميلة ، مدخنى الممنوعات اأصحاب الشعر الطويل ، رجال العصابات " وغيرها من الأسماء اللي بتعبر عن صفات أصحابها . وكل مجموعة منهم بتحدد لنفسها مكان معين تتقابل فيه ومحدش يقدر ياخد نفس المكان المجموعة لأنهم بيحرسوا منطقتهم .

إزاي تعرف لو كنت جزء من جماعة رفاق مش مناسبة؟

فيه فرق بين أنك تقضي وقتمع أصدقاء ليهم نفس قيمك واهتماماتك وبين انك تكون موجود مع أصدقاء يضغطون عليك عشان تعمل تصرفات معينة عكس طبيعتك. لو كانت المجموعة اللي انت عضو فيها مش بتشجعك على التعرف على أصدقاء جدد ، فكر إيه أسبابهم ؟ وانت مقتنع بيها ولا لأ ؟ . لو لقيت نفسك بتقضي وقت فراغك بشكل انت مش راضي عنه .يبقى لازم تفكر ليه مبتقدرش تستمتع بوقتك؟ لو أصدقاءك ليهم تصرفات سخيفة في الشارع مع الناس ويتوقعوا انك تعمل زيهم ،يبقى اتأكد انك مع المجموعة الغلط . لا تلوم نفسك وتقول " أنا مش كفؤ ليهم " خليك على طبيعتك وابعد عنهم ودور على أصدقاء ليهم نفس اهتماماتك وتقدر تستمتع بوقتك معاهم .

لو وجدت نفسك وسط مجموعة مش مناسبة ليك متزعلش دي مش نهاية العالم " على الرغم انهم بيحاولوا يخلوك تحس بكده " لكن تأكد إن الأصدقاء الحقيقين هيحترموا قراراتك ومش هيضايقوك لمجرد انك اختلفت معاهم .الأصدقاء مش مشاغبين أو مؤذيين أو مرعبين .