فيه تغيرات كتير بتحصل لجسمك قبل بداية دورتك الشهرية زي الافرازات المهبلية ، نمو الثديين ، نمو الشعر تحت إبطيك وفي منطقة العانة ، وهتلاحظي ان شكل جسمك كله هيبدأ يتغير وهتبقى أطول. 
على فكرة التغيرات اللي بتحصل للبنات مختلفة وده بيتحكم فيها الجينات الوراثية وكمان صحتك وبيئتك .
لكن لو وصلتي لسن 14 سنه ومفيش أي تغيرات حصلت لجسمك زي نمو الثديين وشعر الإبطين وظهور إفرازات مهبلية بلون أبيض ..يبقى لازم تستشيري دكتور.
أما عن بداية دورتك الشهرية ..مفيش وقت واحد عند كل البنات لأن ده حسب طبيعة الجسم ، لكن غالباً الدورة الشهرية بتبدأ في أي وقت بين سن العاشرة والسادسة عشرة.
و لو بقى عمرك 16 سنه ولم تبدأ دورتك الشهرية لازم تستشيري دكتور ..لكن متخليش الموضوع يأثر عليكي استمتعي بالفترة الجميلة دي من حياتك.
ولأن ميعاد دورتك الشهرية ممكن يجي فجأة ومتكونيش مستعدة فممكن تحتفظي بفوطة أو أكثر في شنطتك ، كده تبقى مستعدة في أي وقت.